سرکار کی بَشَرِیَّت کاانکار کرنا کیسا؟

sarkar ki bashriat

اسلامی بھائیو!
بے شک ہمارے مَدَنی آقا صلَّی اللہ تعالیٰ علیہ واٰلہٖ وسلَّم کی حقیقت نور ہے مگر یہ یاد رکھئے کہ بَشَرِیَّت کے انکار کی اجازت نہیں۔

چُنانچِہ میرے آقا اعلیٰ حضرت،امام اَحمد رَضا خان عَلَيْہِ رَحمَۃُالرَّحمٰن فرماتے ہیں:

تاجدارِ رسالت ، شَہَنْشاہِ نُبُوَّت صلَّی اللہ تعالیٰ علیہ واٰلہٖ وسلَّم کی بَشَرِیَّت کا مُطَلْقاً انکار کفر ہے۔
===============
(فتاوٰی رضویہ ج۱۴ ص ۳۵۸)

لیکن آپ کی بَشرِیَّت عام انسانوں کی طر ح نہیں بلکہ آپ سیِّدُ البشر، افضلُ البَشَر اور خیرا لبشرہیں ۔

پروردگار کا فرمانِ نور بار ہے:

قَدْ جَآءَکُمۡ مِّنَ اللہِ نُوۡرٌ وَّکِتٰبٌ مُّبِیۡنٌ ﴿ۙ۱۵﴾

ترجَمۂ کنزالایمان: بیشک تمہارے پاس اللہ (عَزَّوجلَّ) کی طرف سے ایک نور آیا اور روشن کتاب۔
(پ ۶، المآئدہ ۱۵)

مذکورہ بالا آیتِ مبارَکہ میں نور سے مُرادحُضور صلَّی اللہ تعالیٰ علیہ واٰلہٖ وسلَّم ہیں ۔

چُنانچِہ سیِّدُنا امام محمد بن جَرِیر طَبَری علیہ رحمۃ اللہ القوی (مُتَوَفّٰی310ھجری)نے فرمایا :

یَعْنِیْ بِالنُّوْرِ مُحَمَّدًا (صلَّی اﷲ تعالیٰ علیہ وآلہٖ وسلَّم)
یعنی نور سے مُراد محمدِ مصطَفیٰ صلَّی اﷲ تعالیٰ علیہ واٰلہٖ وسلَّم ہیں۔
=================
(تَفْسِیْرُ الطَّبَرِیّ ج۴ ص۵۰۲ دار الکتب العلمیۃ بیروت)

جلیلُ القَدر ،حافِظُ الحدیث امام ابو بکر عبدالرَّزّاق رحمۃ اللہ تعالیٰ علیہ نے اپنی 'المُصَنَّف' میں حضرتِ سیِّدُنا جابِر بن عبداللہ انصاری رضی اللہ تعالیٰ عنہما سے روایت کی،

وہ کہتے ہیں، میں نے عرض کی :
یارسولَ اللہ (عزوجل وصلی اللہ تعالیٰ علیہ واٰلہ ٖوسلّم) ! میرے ماں باپ حُضور (صلی اللہ تعالیٰ علیہ واٰلہٖ وسلم ) پر قربان! مجھے بتائيے کہ سب سے پہلے اللہ عَزَّوجَلَّ نے کیا چیز بنائی؟
فرمایا:
اے جابِر ! بے شک بِالیقین، اللہ تعالیٰ نے تمام مخلوقات سے پہلے تیرے نبی صلی اللہ تعالیٰ علیہ واٰلہٖ وسلم کا نور اپنے نور سے پیدا فرمایا۔
==============
(فتاوی رضویہ ج۳۰ ص۶۵۸ ، الجزءُ المفقُود مِن الجزء الاوّل مِنَ المُصَنَّف، لِعبدالرّزّاق، ص ۶۳ رقم ۱۸ )

اسلامی بھائیو! میرا مشورہ ہے کہ'نور' کے مسئلہ پر تفصیلی معلومات کیلئے مُفَسّرِشہیرحکیمُ الْاُمَّت حضرتِ مفتی احمد یار خان علیہ رحمۃ الحنّان کا'رسالۂ نور' کامُطالَعَہ فرمایئے۔

مرحبا آیا ہے کیا موسِم سُہانا نور کا
بُلبلیں گاتی ہیں گلشن میں ترا نہ نور کا

نو ر کی بارش چھما چھم ہوتی آتی ہے
ا َسیرؔ لو رضا ؔ کے ساتھ بڑھ کر تم بھی حصّہ نو ر کا