غیرت مسلم زندہ ہے

Ghairat e Muslim Zindaa Hai

غیرت مسلم زندہ ہے


آئے روز غیرت مسلم کو للکارا جارہا ہے۔
کافر و مشرک توہین آمیز خاکے شائع کر کے ظلم و ستم کی داستان رقم کر رہے ہیں۔اس حقیقت سے انکار نہیں کیا جاسکتا کہ غلامان رسول ﷺ اپنے آقا و مولیٰ اپنے محبوب نبی احمد مجتبیٰ محمد مصطفیٰﷺ کے ناموس کی خاطر تن من دھن قربان کرنے کو فخر سمجھتے ہیں۔تاریخ اس بات کی گواہ ہے کہ جب بھی کسی بدبخت نے ناپاک جسارت کی تو کسی خوش بخت عاشق رسول ﷺ نے اس بدبخت کو جہنم کے حوالے کرنے میں دیر نہیں کی۔
حق کو ہی غالب رہنا ہے اور باطل کو ہی مٹنا ہے۔
مٹ گئے مٹتے ہیں مٹ جائیں گے اعدا تیرے
نہ مٹا ہے نہ مٹے گا کبھی چرچا تیرا
دوستو! ورفعنا لک ذکرک کا سرمدی اعلان تو اللہ رب العالمین نے فرمایا۔ تو پھر ذکر مصطفیٰ ﷺ میں کمی کیسی۔۔۔اور کمی کون کر سکتا ہے۔۔۔۔ تصور بھی گستاخی ہے۔۔۔۔اور اس گستاخی کی کب معافی ہے۔۔۔۔

بارگاہ مصطفیٰ ﷺ میں اونچا بولنا رب کو گوارہ نہ ہوا۔ تو آج کوئی جہنم کا ایندھن بننے کا خود انتظام کرے تو کرے۔۔۔

افسوس کہ ہم عاشقان رسول ﷺ دعویٰ عشق میں صرف نعروں کی حد تک محدود ہوگئے۔غلامی رسول میں مو ت بھی قبول ہے۔ اور غلامی رسول ﷺ میں اطاعت رسول کتنی قبول؟ ابھی وقت ہے۔۔۔آج ہی سچی غلامی کا طوق گلے میں ڈال لیں۔تاکہ میدان محشر میں شفاعت رسولﷺ نصیب ہو سکے۔ میرے مرشد کریم دامت برکاتہم العالیہ ارشاد فرماتے ہیں۔ غلام وہ ہے جس کو دیکھ کر اس کا آقا یاد آئے۔ مرید وہ ہے جس کو دیکھ کر اس کا پیر یاد آئے۔
آؤ ۔۔۔۔کہ اتنا ذکر مصطفیٰﷺ کریں کہ گلی گلی ذکر مصطفیٰﷺ گونج اٹھے۔
آؤ ۔۔۔۔۔۔کہ حضور کی ہر ہر ادا پر قربان ہوجائیں۔
آؤ ۔۔۔۔کہ ان پر مر مٹنے کے جذبے کو بیدار رکھتے ہوئے دین متین پر عمل پیرا ہو جائیں۔

بتلادو گستاخ نبی کو غیرت مسلم زندہ ہے
ان پر مر مٹنے کا جزبہ کل بھی تھا اور آج بھی ہے
=====================
تحریر:حافظ محمدعدیل یوسف صدیقی صاحب
اداریہ : مجلہ محی الدین فیصل آباد
ربیع الثانی 1436 ہجری